Sa loob ng kahong ito ay nakatago ang iba’t ibang salita na may kaugnayan sa mga uri ng pang-abay (tulad ng pang-abay na pamanahon, panlunan, pamaraan, at iba pa). Layunin ng manlalaro na mahanap at matukoy ang mga salitang ito sa loob lamang ng tatlumpung (30) segundo.
Maaaring matagpuan ang mga salita sa iba’t ibang direksyon—pahalang, patayo, o pahilis—kaya kinakailangan ang matalas na paningin, bilis ng pag-iisip, at kaalaman sa paksa. Bawat tamang salitang makita ay katumbas ng puntos, at ang manlalarong makakakuha ng pinakamaraming puntos sa itinakdang oras ang siyang magwawagi.