Elikadura osasungarriari buruzko "Hitz-Pasa" joko bat egin dut, elikagaiak asmatu beharko dute deskripsio baten bidez, 18 urtetik gorako eta zailtasun intelektualak dituzten pertsonei zuzenduta. Helburu nagusia da pertsona hauek modu erraz eta dibertigarrian ikastea zein elikagai diren osasungarriak eta zein ez. Jokoaren bidez, elikadurari buruzko galdera sinpleak eta erantzun argiak erabiltzen dira, ikaskuntza errazagoa eta erakargarriagoa bihurtuz. Gainera, ikus-entzunezko baliabideak eta joko dinamikoak erabiliz, parte-hartzaileek modu aktiboan ikasten dute, eta horrek ulermena eta motibazioa handitzen ditu, helburua ikasteaz gain prozesua atsegina eta guztientzat eskuragarria izatea delarik.