Etxe xelebrea du piña itsasoan / itsas-izar arrosa bat dauka ondoan
Dragoi bolaren bila pizten du radarra / motoan ibiltzen den ile-urdin makarra
Zentral nuklearrean jaten du donutsa / tripan zerbeza dauka, buruan zerrautsa.
Mendian ardiekin pozik ta saltoka / aitonaren etxean gustura dago ta.
Esploratzaile honek hartu du motxila / linternarekin doa abentura bila.
Beretzat idoloa da Ultraeroia / amak atera dio buruan txintxoia.
Elkarren ahizpak dira talde hirukoitza / euren atzetik dabiltz sorgina ta hontza.
Zeruan dabil hegan ta galtzontzilotan / gaiztoekin borrokan ari da askotan.
Londresen nabarmena da bere autoa / traje marroiarekin dabilen tontoa.
Nobita maitemindu egin da berekin / abenturatan dabil Doraemonekin.
Zaldi pintto bat dauka ikaragarria / pekak, galtzerdiak ta mototsa gorria.
Umetan bizikletan ta galtza motxetan / txikia, baina eskasa ez zen bertsoetan!
